O PROGRAMA OPERATIVO DE EMPREGO XUVENIL 2014-2020. O PLAN DE CUALIFICACIÓN PROFESIONAL IMPULSA. UNHA INICIATIVA MUNICIPAL.

O PROGRAMA OPERATIVO DE EMPREGO XUVENIL 2014-2020.

O PLAN DE CUALIFICACIÓN PROFESIONAL IMPULSA.

UNHA INICIATIVA MUNICIPAL.

“A redución do desemprego xuvenil constitúe un dos retos máis importantes para o período de programación 2014-2020 e débese de afrontar tanto desde as institucións públicas nacionais e comunitarias, como desde a propia cidadanía da UE”. Con esta intención comeza o texto do Programa Operativo de Emprego Xuvenil 2014-2020.

Esta intención baséase en datos como os da EPA 2013, segundo os cales máis do 20% da mocidade española, comprendida entre os 16 e os 25 anos atopábanse non ocupados e non recibían educación nin formación, doas que o 47% eran mulleres e o 53% homes.

Engadir, asemade, que segundo a Estratexia de Emprendemento e Emprego Mozo 2013-2016, as principais causas do desemprego xuvenil en España, son as seguintes:

1. Alta taxa de abandono escolar.

2. Polarización do mercado de traballo.

3. Escaso peso relativo da Formación Profesional de grao medio.

4. Escasa empregabilidade da mocidade, especialmente no relativo ao coñecemento de idiomas estranxeiros.

5. Alta temporalidade.

6. Alta contratación parcial non desexada.

7. Difícil acceso ao mercado laboral dos grupos en risco de exclusión social.

8. Necesidade de mellorar os niveis de autoemprego e iniciativa empresarial entre a mocidade.

O exposto, entre outros moitos argumentos, datos e cifras, avala a decisión da implementación do Programa Operativo de Emprego Xuvenil, que terá como finalidade última apoiar a redución da taxa de desemprego xuvenil en España, a través da mellora das cualificacións e o fomento da contratación e do autoemprego da mocidade.

Para acadar os mencionados obxectivos xorden iniciativas que van ser cofinanciadas polo Fondo Social Europeo, a través da Iniciativa de Emprego Xuvenil e Garantía Xuvenil.

O Concello de Santiago de Compostela, a través da súa Área de Emprego, adscrita á Concellería de Igualdade, Desenvolvemento Económico e Turismo, decide participar nestas iniciativas coa finalidade de mellorar a empregabilidade da mocidade compostelá principalmente, aínda que sen desbotar ás mozas e aos mozos doutros concellos de Galicia. Para acadar este obxectivo presenta dúas propostas a esta iniciativa e para as que obtén cofinanciamento:

• Programa Integración profesional "Mocidade con Emprego" Santiago 2017-2020.
• Plan de Cualificación Profesional “IMPULSA”.

Como o caso do Programa “Mocidade con Emprego” xa foi perfectamente explicado nun interesante artigo pola miña compañeira Isabel Sousa Jiménez (@isasousaj), con motivo do Curso de Posgrao de Especialización en Orientación Laboral, celebrado no ano 2017, eu centrareime en intentar explicar en que consiste o Plan IMPULSA.

INTRODUCIÓN

O Concello de Santiago desenvolve o programa: Plan Xuvenil de Cualificación profesional: “IMPULSA” no que se implementan 5 itinerarios integrados do sector das Tecnoloxías da Información e a Comunicación (TIC).

Os obxectivos do programa elaboráronse tomando en consideración as necesidades e retos existentes en Santiago, definidos nunha análise de contexto elaborado ex profeso, e no que se constatan 2 grandes necesidades:

• Mellorar a empregabilidade e o acceso ao mercado de traballo da súa poboación moza. 
• Aunar, coordinar a formación para o emprego e as demandas do tecido empresarial. Concretamente, satisfacer a demanda de profesionais do sector TIC, cada vez máis crecente, por parte do sector produtivo da comarca. 

Do mesmo xeito, detectáronse os seguintes problemas:

• A migración da mocidade, a chamada “fuga de talentos”, o que supón a perda dunha das nosas fontes de riqueza e crecemento: capital humano cualificado.
• A sobrecualificación existente en moitos postos de traballo e a dificultade para cubrir outros pon de manifesto unha desconexión entre a oferta e a demanda de traballo.

En relación ás TIC subliñar:

• Ademais de destacar como un importante dinamizador do mercado local, o das TIC preséntase como o sector ideal para a mocidade recen graduada e sen experiencia.
• En Galicia, só entre o 2010 e o 2014 o número de empresas TIC creceu un 15 %. E o 2015 foi o exercicio no que, ata esa data, rexistrárase un maior incremento na cifra de compañías, ata acadar as 2.400. Ese año, ademais, o sector superou, por vez primeira, o listón das 16.000 persoas traballadoras, todo un récord. A ese dinamismo contribuíu de xeito decisivo a primeira Axenda Dixital 2010-2014. Asemade, o estudio de Sectores Emerxentes en Santiago: menciona que ocupa o primeiro posto entre as actividades emerxentes.

XUSTIFICACIÓN DOS ITINERARIOS

El Observatorio da Sociedade da Información e a Modernización de Galicia (Osimga), adscrito á Axencia para a Modernización Tecnolóxica de Galicia (Amtega), dentro do “Diagnóstico ás Empresas TIC sobre a Sociedade da Información en Galicia. Edición 2016” pon de manifesto as dificultades que as empresas TIC galegas experimentan á hora de contratar profesionais TIC cos coñecementos e experiencia para a súa organización. As empresas galegas contan cunha maioría de profesionais TIC con formación universitaria ou especializada a través de ciclos formativos TIC.

Polo exposto, os itinerarios deseñados co Plan IMPULSA pertencen integramente ao sector das novas tecnoloxías:

1. Manexo profesional de drons, montaxe e mantemento, con especialización no seu uso para o sector audiovisual.

2. Confección e publicación de páxinas web.

3. Desenvolvemento de aplicacións con tecnoloxías web.

4. Xestión de marketing e comunicación.

5. Conmunity Management.

AS PERSOAS BENEFICIARIAS DOS ITINERARIOS

A mocidade maior de 16 anos e menor de 30 anos, engadidas as persoas con discapacidade, non ocupadas e non integradas nos sistemas de educación ou formación, independentemente do seu nivel formativo e que estea rexistrados no ficheiro do Sistema Nacional de Garantía Xuvenil.

O reto sería acadar que esta mocidade mellorase a súa empregabilidade e accedese a un posto de traballo de calidade.

Incidindo na mocidade con especiais dificultades de inserción, así:

• O 60% do total serán mulleres.
• O 20% persoas afectadas por algunha discapacidade.
• O 10% mocidade pertencente a algunha etnia.
• O 70% mozas e mozos desempregadas/os de longa duración.

En cada un dos 5 itinerarios participarán 17 persoas mozas beneficiarias. Polo que o total serán 85 as persoas mozas beneficiarias.

OBXECTIVOS E ADECUACIÓN AOS PRINCIPIOS COMUNITARIOS DE APRENDIZAXE PERMANENTE E MELLORA DA CALIDADE DO EMPREGO.

Coa implementación destes 5 itinerarios preténdese acadar un dobre obxectivo:

•  Acceso ao mercado laboral.
• Acceso a un emprego de calidade.

 

Obxectivo central:

“Avanzar na consolidación de Santiago de Compostela como unha cidade inclusiva, solidaria e comprometida co desenvolvemento sociolaboral da súa poboación moza, a través da inversión na súa cualificación profesional e adecuación da súas competencias ás demandas da economía do coñecemento e do sector TIC, coa implementación de itinerarios integrados e persoalizados que creen e melloren as súas capacidades técnico-persoais, facilitando o seu acceso a un emprego estable e de calidad.”

De tal xeito que os obxectivos principais do programa sexan:

• Fomentar a cualificación profesional das mozas e mozos nas TIC mediante unha formación acreditada por Certificados de Profesionalidade.
• Impulsar e/ou mellorar a formación en idiomas.
• Mellorar as súas competencias persoais e habilidades sociais.
• Fomentar a cultura emprendedora.

E os obxectivos específicos:

• Activar e favorecer a participación na formación profesional e no mercado de traballo da mocidade inscrita no Sistema de Garantía Xuvenil.
• Potenciar o aprendizaxe permanente como medio para manter o nivel de cualificación profesional requirido polo actual mercado de traballo.
• Evitar o desemprego xuvenil motivado polo abandono dos estudos.
• Proporcionar á mocidade a experiencia laboral e as habilidades sociais necesarias para mellorar a súa empregabilidade.
• Facilitar unha asistencia individualizada ás persoas mozas participantes, segundo os seus perfís e necesidades de formación.
• Promover a sostenibilidade, a calidade do emprego e favorecer a mobilidade laboral entre o público obxectivo do programa.
• Fomentar a cultura emprendedora e impulsar o emprendemento entre a mocidade.
• Promover a coordinación e interacción entre todos os axentes socioeconómicos e institucións, cunha área/ámbito de actuación que poida repercutir no emprego xuvenil.
• Fomentar entre o empresariado o recoñecemento e a valoración das competencias profesionais adquiridas nos respectivos Certificados de Profesionalidade.

 

ACTUACIÓNS

No Estudo e análise do mercado laboral no Concello de Santiago desde a perspectiva do Emprego e Necesidades de formación da poboación moza, se indica que para solucionar as problemáticas de acceso ao mercado laboral de este colectivo é preciso o deseño de programas que teñan en conta a necesidade de:

• “Reforzar e mesmo privilexiar as accións de mediación.
• Privilexiar as estratexias de inserción en prácticas nas empresas sen custes para estas sobre as baseadas en abaratar la contratación.
• Desenvolver programas de detección do fracaso escolar temperán e de abordaxe da poboación moza que nin estuda nin traballa.
• Atender de maneira definitiva, sexa mediante accións específicas ou de forma transversal nas dinámicas de orientación, formación, mediación e acompañamento, á dimensión de socialización e reforzo da capacidade de circulación laboral que supón a adquisición e desenvolvemento de habilidades sociais.“

Todas as persoas mozas participantes deberán realizar un itinerario formativo e laboral personalizado que lle permitirá adquirir a cualificación necesaria para ocupar un posto de traballo, tendo unha segunda oportunidade para a mellora das competencias lingüística nun segundo idioma, á formación nas TIC e á outros itinerarios non formais. Mellorarán as súas competencias persoais e habilidades sociais coa realización dun período de prácticas profesionais, non laborais, en empresas relacionadas con la formación adquirida.

Este itinerario de integración profesional persoalizado defínese como o deseño, a realización e seguimento dunha secuencia concatenada de accións, destinadas a mellorar a empregabilidade de cada participante. Así engloban:

• Formación profesional nas necesidades formativas sectoriais sinaladas.
• Formación transversal para mellorar a cualificación profesional, as competencias técnicas e persoais.
• Prácticas profesionais non laborais, mellorando a súa cualificación profesional có traballo efectivo.
• Titorías, orientación profesional personalizada e acompañamento na busca activa de emprego coa xestión do seu perfil e deseño de accións que melloren a súa empregabilidade.

Asemade, co programa potenciarase a cultura emprendedora mediante formación específica neste ámbito e transversalmente, en cada itinerario, mediante a visión e perspectivas do autoemprego no sector das TIC.

As actuacións a levar a cabo, supoñen investir na cualificación e capacitación profesional da mocidade participante, para elo se empregarán un gran nº de horas de formación, tanto específica como transversal, de titorías, tanto de formación como de orientación laboral e de prácticas profesionais non laborais.

ACTUACIÓN	Nº DE HORAS
Formación Específica	1.190
Formación Transversal	290
Prácticas Profesionais non Laborais	310
Titorías de orientación	100

ITINERARIOS INTEGRADOS

Os itinerarios deseñados que se executarán serán:

1. Manexo profesional de drons, montaxe e mantemento, con especialización no seu uso para o sector audiovisual.

2.  Confección e publicación de páxinas web.

3.  Desenvolvemento de aplicacións con tecnoloxías web.

4.  Xestión de marketing e comunicación.

5.  Conmunity Management.

RESULTADOS

Os resultados cuantitativos do programa poderanse medir en termos de:

1. Usuarias/os formadas/os. Coa ampliación e mellora da oferta de capacitación técnica para a mocidade.

2. Usuarias/os inxeridas/os. A mellora da súa empregabilidade permítelles adaptarse de maneira máis idónea ás oportunidades de emprego, accedendo a un emprego de calidade.

3. Empresas creadas. O desenvolvemento de competencias emprendedoras facilitará o autoemprego e o emprendemento colectivo.

	MULLERES	HOMES	TOTAL
Persoas Usuarias Formadas	51	34	85
Persoas Usuarias Inxeridas	13	9	22

 

EPÍLOGO

Aínda que non ten relación directa co Plan presentado, o Plan IMPULSA, teño que facer mención do anuncio dun novo Plan de choque para o Emprego Xuvenil que o Presidente do Goberno de España Pedro Sánchez esbozou no mes de xullo do 2018 no Congreso dos Deputados.

 

       

E para rematar, un contiño....